MI JE PASSE MES VACANCES ALLONGE DIN MIN LIT
d'après "Tout in haut de ch'terril" chantée par Edmond TANIERE et Renaud

Parodie de Lamerre (Danlasci)

Din min collèche que r'mue-ménache.
Ché collèques viennent d'avoir leu congés.
Prennent leu valisses et s'in vont voyager
A la campagne,ou vir' leur parinté.
Mi comme el'z'aut', j'prind mes bagaches.
In n'ambulance j'va r'tourner à min patelin.
J'vo du pays deul' manière que j'm'y prind,
Sans débourser un sou d'train.

Et j'passe mes vacances allongé din min lit.
J'ai vraimint deul' chance, pou faire cha y-a fauque mi.
Din mes couvertures, j'su tout seul,et j'm'arrinche.
Quand j'arlièffe mes gampes, j'ai l'impression d'fair' du campinche.
Pas d'souci d'popotte, j'vis bien mieux qu'à l'hôtel.
j'n'ai fauqu'à pinser d'écarter mes ortelles.
Su min oreiller, jé m'cro au lac d'Annecy.
Mi j'passe mes vacances allongé din min lit.



Comme point d'vue, faut vir' c' que j'dégotte.
J' peux admirer el' lustr' éd' min salon.
J'ravisse les mouques qui s'bécottent au plafond,
Et je m'rince l'eul', cha n'mé coûte pas un rond.
A la cuisine, ché m'femme qui fait l'gargotte.
Confit d'oie, cassoulet, soupe au lard.
"Au pied d'min lit y-a des lit' ed' pinard,
Pour mi chucher in père pénard".

Et j'passe mes vacances allongé din min lit.
J'ai l'télévision installée in face éd' mi.
Quand y'arrife él' soir, alors là j' su heureux.
J' prind l'télécommante et j'eul' gard' fauque pour mi tout seu.
J'ravisse él' télé, j'acoute leu balivernes.
j'vo tous les feulletons, qu'in nous passe à l'intenne.
J'passe éd' bonnes soirées, oui vraimint j'su ravi.
Mi j'passe mes vacances allongé din min lit

.

Comme cha va vite, comme él' temps passe.
Din min biau lit jé m' su rééduqué.
A ch't'heure y m'faut l'abandonner.
Din eune semaine, cha va ête eul' rintrée.
L'kiné a fortifié m'carcasse.
J'su tout neuf, mes gampes sont raffermies.
Et sans mes cannes debout au pied' min lit,
In l'ravisant j'dis: " ch'est fini ...

J'va pouvoir leu dire dé v'nir arprint' leu lit.
Deux mos d'location, ché beaucaup, cha suffit.
J'va r'voir mes élèfes, cha va leu faire quèt'quosse,
quoiqu'in peut rien dire,car cha oublie for' vit' les gosses.
Si z'ont du plaisi, cha s'verra din leu yeux.
Et j'saurai bientôt si m'prennent pou leu bon Dieu.
J'espère qu'cha s'ra mieux qu'l'an passé, ch't'année chi.
J'veux pas arpasser mes vacances din z'in lit

.
 

 Renaud

Odes & Parodies